| 第二次比人試妝 感覺今次化得比上次好多 冇咁濃妝 全程都唔錯幾好玩 不過就遇到小小煩惱 唉 就係唔好介紹男仔比我呀 我知你冇心 之但係真係冇心理準備 而且好抗拒呢d野.... :( |
| |
| 29晚好似係我既黑色星期一 係入戲院睇戲前一個鍾暈底左 隔左一陣我記得有好多人走黎扶返我上去 咁啱有個警察係度幫我call個朋友返黎 又有呀姐幫我搽下白花油 想叫醒我 可惜已經無力應人 事發係food court 結果有無數咁多對眼望住我 仲見到有d人尊登走過黎睇下 當時諗好彩冇多餘既力望四周圍 唔係絕對會有後遺症以後都唔去呢個商場 之後商場既職員同警察都係我周圍(好似搞到好大件事..)但最驚應該係我朋友 佢不停問商場職員白車幾時到..... (sor....好對唔住 )不過對上一次暈底又係你係身邊 你係唔係我剋星..... 結果係醫院檢查左一晚 我想睇既戲就咁樣冇左 |
| |
| 19日長洲日 帶了一個''攝影師''去呢 haaa 說笑的 不過最初是不想影的 只是想去吃東西! 可是走着走着去到一些地方也想影底 那裡離(市區)有段距離 是第一次走到那邊的 (太好了) 
天氣好令那天的行程不同了 走到更遠的地方...看到光照下來的一刻心情很愉快 還爬入''張保仔''洞 如果不是有人在前帶頭用電筒照着我們 而後面八爪在照着我 是死也不進去的 (我何時變得咁細膽) 但在我還未找到入口時 那時不會信下面''趺下去絕對會搞出人命''的竟然就是入口! 但下過去之後就腿軟......完全是黑色一片   
看不到表情的剪影相 還挺有趣的    
走完山路回到''市區'' 後沒有食飯 但甜品就是''火焰雪山'' 這店店主會熄燈給客人去拍照 好特別的一間甜品店 怕它會早關門所以是第一 時間便跑去食     還有石榴雪花冰 入口好香好甜 ....  |
| |
| 18日去winifred新家 去看她放了絕對心機的家 ...... 
這張少了一個人入鏡 .....但不知道的人看不到那張桌很高 我是企着的 何時我會有自己的家呢 haaa 要有畫室呢 |
| |
| 
17號公司聚餐 不過去海逸前同winifred去攞佢既cushion (大碼) 去到時都遲到了 感覺有點不好意思 ....這次食得不多 幾乎和上次食的一模一樣 我又唔係食得既人 唔似劉生咁勁 haaa 不過走既時間發生左件笑死人既事 因為劉生要同理呀豬走 但係劉生搵唔到佢四周圍望又叫我地搵呀豬 可惜呀豬就係佢前面 只係佢唔知要低頭搵...大家笑到唔識繼續行 ... 夜既12點睇''吸血'' 好耐都冇試過咁夜去睇戲啦 冇辦法因為期待心目中既雅各上映 不過係戲中既佢好性感但只限於性感 同書中既雅各有點出入 :( 可惜..... 好想補一補眠 |
| |
